Hormatly
Prezidentimiziň baştutanlygynda “Türkmenistan - parahatçylygyň we ynanyşmagyň Watany”
ýylynda ata-watanymyz Türkmenistan ähli babatlarda uly ösüşlere beslenýär. Ähli
ulgamlarda bedew bady bilen öňe barýan güneşli ülkämiz täze açyşlaryň, oýlap
tapmalaryň we çemeleşmeleriň ilerledilýän ýurdyna öwrülýär. Bütin dünýäde täze innowasiýa
tehnologiýalarynyň ösýän döwründe gündelik zähmetiň sarp edilmegini azaltýan we
ösüşi talap etýän tehnologiýalar gün saýyn artýar. Şunuň bilen bir hatarda häzirki
wagta dürli görnüşli täsin tehnologiýalar adamzadyň durmuşyna ornaşdyrylýar. Arkadag
Prezidentimiziň taýsyz tagallalary bilen Türkmenistan ýurdumyzyň hem ähli
pudaklaryna ösüşiň täze döwrebap görnüşlerini ornaşdyrmak boýunça çäreler
alynyp barylýar. Häzirki wagtda bu ugurda esasy ileri tutulýan meseleleriň biri
hem degişli pudaklara “Know-How”lary ornaşdyrmak bolup durýar.
Eýsem Know-How diýmek näme?
Know-How!? Bilmeli (Know) hem-de Nädip (How) diýen iňlis sözleriniň jemi
bolup önümçiligiň syry diýen manyny hem göterýär. Know-How bolanda bu ylym hem-de tehnologiýalar ulgamynyň çäklerindäki
peýda getirjek islendik häsiýetdäki täzeçil beýleki 3-nji adamlaryň
habarly bolmadyk maglumatydyr.
Ýokary tehnologiki ykdysadyýetde Know-How
kärhananyň esasy bölegini tutýar.
Derejesine boýunça Know-How
- Fiziki şahslar bilen
baglanşykly; (maglumat, endik we hereketler bolup olar fiziki şahs bilen
aýrylmaz bagly bolup durýar)
- Kärhana bilen baglanşykly: (önümçilik
prossesiniň hiliniň, köp ýyllaryň dowamyndaky däpleriň esasynda kämilleşdirilen
tehnologiýalar.)
- Fiziki ýa-da ýuridiki şahslar
bilen bagly bolmadyk, kesgitlemeler, aňlatmalar, shemalar, hasaplamalar, grafiki
suratlar we şm. diýen toparlara bölünýär.
“Know-How”da beýan edilýän maglumatyň görnüşine görä şu
aşakdaky toparlara bölünýär.
-
Ylmy we tehniki ugur;
Bu ugura tilsimat
we düzgütçilik (konstruktor) çyzgylary, çözgütler, grafikler, gurnamagyň düzgünleri
degişli. Beýle oýlap taplamalar inžener hasaplamalar we gurluşyk desgalaryny
taslamak ugurlaryna hem degişli bolup bilýär.
-
Söwda satyş we bazara
önüm çykarmak ugury;
Söwda-satyş pudagyna
degişli oýlap tapmalar, harydy bazara çykarmagyň ýollary, alyjylar bilen
arabaglanyşygy ýola goýmagyň usullary hem-de gerekli çig mallaryň iň ygtybarly
we bähbitli ýollaryny gözlemek baradaky maglumatlary özünde jemleýär.
-
Ýolbaşçylyk etmek
ugur;
Işgärlere we iş prosessine ýolbaşçylyk
etmek ugryndaky açyşlar - wezipeleri paýlamakda, ştat hasabyny üýtgetmekde we täze
düzüm baglanşyklaryny döretmekde täzelikleri we usuly çemeleşmeleri girizmekden
ybaratdyr.
-
Maliýe shemalary we işleri
ýerine ýetirmek ugur;
Maliýe pudagyndaky açyşlar - maýa
goýumlary köpeltmek maksady bilen tygşytlanan maliýe serişdelerini, paýnamalary
(aksiýalary), gymmat bahaly kagyzlary tejribede ulanmagyň maksadalaýyk
görnüşlerini oýlap tapmakdan ybarat.
Mysal üçin “Know-How” bolup islendik täzeçil maglumatlar tehnologiýalar we
işläp düzmeler, ugurlar hem-de usullar hyzmat edip biler.
Meselem
- El ýuwýan enjam - özi
ellerimizi ýuwup hem gerek bolan möçberde sabyn hem-de antiseptik serişdelerini
sepýär.
- Tozan sorujy enjam, diňe
arassaçylyk etmän, dürli tagamlary hem bişirýär, eşikleri ýuwýar we internedyň
üsti bilen dürli buýurmalary ýerine ýetirip bilýär.
- Awtoulag - hususy ulanyş üçin uçýan
awtoulag.
- Diňe eliňi degireninden adamyň
ähli kesellerini we näsaz organlaryny anyklap olary bejermegiň gysga ýollary
barada maglumaty aýtýan enjam.
Häzirki wagta ýurdumyzda ähli ulgamlara “Know-How”lary ornaşdyrmak boýunça işler alynyp barylýar bu bolsa geljekde uly maksatlary nazarlaýan halkymyzyň gelejeginiň giňden, ähli taraplaýyn kämil bolmagy barada habar berýär. Çünki ykdysadyýetde we beýleki ugurlarda şular ýaly tehnologiýalaryň ornaşdyrylmagy bütin dünýä bilen aýakdaş gitmeklik üçin wajyp şertleriň biri bolup durýar.
Aşgabat gurluşyk orta hünär okuw
mekdebiniň mugallymy Wepa HOMMYÝEW